سلاااااااام .... كيفكمـ ؟؟؟ما اطول عليكم الموضوع ::
اللهجة الحجازية :
هي لهجة أهل المنطقة الغربية في السعودية وتتمركز بالذات في مكه وجده والمدينة والقرى القريبة منها أكثر من باقي المدن اللي في الغربية وهي لهجة تأخذ من اللهجة البدوية و اللهجة المصرية ولكنها تميل الى المصرية والسبب انه ايام العثمانيين كان فيها مصارية كتير قد الجبل
وطبعا تختلف لهجة العجايز عن الجيل الحاضر ..
لهجة العجايز تحسوها معتقة
ومصطلحاتها القديمة ما تنفهم وما يستخدموها إلا عتقية البلد أما الشباب حقون دحين ما عاد صار يستخدموها . وكمان ما ننسى ان اللهجة الحجازية فيها الكثير من الأمثال القيمة هع وبسم الرحمن نبدأ في بعض ما تختص بيه لهجتنا الحجازية الغاليه :
مصطلحاتنا
في كثير من المصطلحات الحجازية اللي من الصعب انو اي واحد غير حجازي يفهمها وتفضلوا هذي بعضها :
اندر بره : اخرج
اديلو : اعطيه
الكرتة : الفستان
الكندره : الجزمة اكرمكم الله
القنعه : العبايه
الكرويتة : دكة خشبية
الزقاق : الشارع الضيق
وأعتقد أنها أصبحت كلمة معروفة بفعل النزح الحجازي على المدن الأخرى، وهو المعروف عند أهل نجد بالدعتسوس الداعوس>>> زقاق أهون وربي
باختصار هو الشارع الضيق
دندرمة : ايس كريم و تراها مي سبّة تراها كلمه معروفة جداً، وبعد دخول التطور إلى الحواري الحجازي أصبحت تعرف بالآيس كريم
دحديرة : نزلة او منحدر
الدبش : اغراض العروسة قبل لا تتزوج
المملك : المأذون الشرعي
الدقيسي :الفراغ اللي تحت الدرج أو المخزن
المرقعة : الدلع والمياعه في الكلام والتصرف
يتتريق : يستهزئ
اللغوصة : نقل الكلام وتسبيب المشاكل
الدحلسة : اذا كنت بتتمصلح مع واحد عشان تبغى منه شي تقول يدحلس .
هججوني : ازعجوني
قوامن : بسرعه , حالاً
مضليون : طبعاً الكلمة هذي تحفة اللهجة الحجازية ، وكانت النساء تتفاخر بمن تملك فيهن مضليون و المضليون هو البروش الألماس
الحرمصة : يقولك في غابر الغابرين ( واحد متحرمص على نتيجته) والمعنى العلمي لها هو عدم الاستقرار النفسي أو انتظار الشيء على أحر من الجمر >>> اختصري
المرمشة : يمين بالله علينا كلمات فلّه
المرمشه : بفتح الميمين هي نهش ما على العظام من اللحم، أو نهش ما على أي شيء من أي شيء
العكننه : وهي التنكيد على شخص معين،
بيت الما : وهو ما يعرف حاليا (بدورة المياه) وقد سماه الجيل الصاعد الحجازي الآن (الطهارة) وقد ورد انه تم التسمية هذه على أساس انه مكان كبير في البيت يوجد فيه الماء فسمي بـ بيت الما
المركّب: بتشديد الكاف، وهو ما يسميه جميع الناس الآن (المطبخ) والى الآن يعتبر علماء اللغة العربية هذه التسمية من عجائب التسميات لأنه لا يوجد سبب معروف للتسمية هذه إلى الآن!!!!
الدقيسي: بتشديد الدال وكسرها وكسر السين، وهو ما يعرف بالمستودع ، يقول الكاتب المكاوي (محمد يواد فلاته) أن التسمية تعود إلى الحرب العالمية الأولى حيث استخدم أول مره كمخزن للذخائر وسمي في مكة بالدقيسي ، وقد قام جيل 2000 من شباب وشابات مكة بتسميته بالمخزن بدافع التطور
القرندي : بفتح القاف والراء وتسكين النون وكسر الدال <<<مشوار هاهـ ؟
وهذا نوع من أنواع مداعبة الأب المكاوي لابنه فعندما يناديه ويتأخر 3 ثواني يقله (بسرعة عساك القرندي)
ويفسر علماء الجن أن القرندي نوع من أنواع الجن وببساطه يدعي الأب على ابنه بالقرندي <<شفتوا اللطافه.
الفقده : مفعول عشانه من فعل يفقد>>> الله عالقواعد العربية ، وهذا نوع آخر من أنواع المداعبة وهي الخاصة بالأم المكاويه.
حيث تداعب أولادها بـ (تعال الله يفقدك)
توتوا : وهو نوع من أنواع المعادن المكتشفة في الاوديه المكاويه. ويستخدمونها المكاوية في تصنيع نوعين من الأشياء اللي تنحط فيها مويه للشرب وهو ما يسمونها زينا (الكاسه) ومو زينا (المغراف) المغراف : هو نوع من أنواع الكاسات التوتوا متواجدهـ في مكة هذا الجني
على طبطابي : يعني على مزاجي
مِرَسْتَكَه : يعني متأنتكه يعني مرة شياكة .. ومرتبّة
وايق : .... يعني طالع .... يعني مثلاً تقول .. : ( ياواد وايق زي الناس لا اهبدك باتقل شي قدامي .. و لا أهبدك اللين أجدد ايمانك )
تزل ... : يعني تمر
مرحبمبك ... : يعني مرحبا بك .. بس باختصار شوية
باطِرمَة ... : يعني جلسة ... كنب حاجة زي كده ...
كَرَاوِيتَه : ... حاجة خشب كده .... يحطوا عليها الباطرمة ....
مَدَارِيْه : ...... مراجيح ...
ندرت عينك من حُقّها ... : يعني خرجت عينك من محلها .... كده
شَلْمَه ...: يعني فجعه .. يعني مثلاً تقول ( اشبك ياواد مشلوم كده عالاكل ؟؟ ) ..
قيّسْتَك : ... يعني حسّبتك .... توقعتك .... هقيتك ... فكرّتك .
يعني مثلاً .. ( قيستك ياواد حتزل على عمتك فتّو ) ... وهـ ياستيته ..
بُخْنُق : اللي يتلبس في الراس ويكون مخيّط على قدهـ ...
مِدَهْمَلْ : .... يعني مبهدل .... يعني مثلاً ( اشبك ياواد مدهمل كده .. لاتكون كنت بتلعب في المداريه ) ؟؟
دهليز : يعني سيب (... سيب وانا اسيب )..... يعني محل كده زي اللي يكون قدام ابواب العماير من جوّهـ ....
زنبيل : ... يعني كيس ...
زلطة : .... سَلطة بعد التعديل ...
يدعك : ... يعني يفرك ...
مجغجغ : مليان مويه
و في مصطلحات كتيرررررررررر غيرها .
أمثال حجازية
إذا جيت رايح كتر من الفضايح.
أو
إذا جيت رايح كتر من الملايح
حاجه ما تهمك وصي عليها جوز أمك.
ست وجاريتين على قلي بيضتين.
أعمى وينضم خرز.
دلع الكبار زي الشقدف على الحمار << مثلي المفضل
(يضرب هذا المثل لخروج العجوز عن وقاره وجديته
والشقدف عشان الاسئلة بس : ما كان يوضع على الجمل ليجلس فيه المسافرون)
اللي ماله أم حاله يغم. >> صدق والله
كنس بيتك ورشُه ما تدري مين يخشوا.
الخايبه تتعلق بالحبال الدايب.
أهري وانكتي يا جاره وأنا ثابته زي العماره.
شايل لنا طيران عبد القادر
لو لك شي عند الكلب قول له يا سيدي
لا تقرصيني يا نحله ما أبغالك عسل..
يحسدوا الفقير على موتة الجمعه
سكتنا له دخل بحمارووو
ما يقدروا على الحمار يقدروا على البردعة
اذا حلقوا لغيرك بل راسك واستنى
ايش عرف الحمير بأكل الجنزبيل
البيض الفاسد يدحرج على بعضه
اذا تعاندوا الحمير يا بخت الركاب
البيضه ما تخابط حجر
حبيبك يمضغ لك الزلط وعدوك يعد لك الغلط
حمارتك العرجة تغنيك عن سؤال اللئيم
داخل لبيت العروسه نادر من بيت العريس
ياريتني بيضه وعرجه اصلوا البياض فرجه (بضم الفا).
يااخد القرد بماله يروح المال ويبقا القرد على حالو
الله من محبته في عبيدو جعل العمر والرزق بيدو.
اللي يشوفني بعين اشوفوا باتنين.
مين يشوفك يالي في الضلام تغمز
على قد زيتوا سرجلوا
ماتعرف خيري لين ماتجرب غيري
عقربة في الغار ولا ضُرة في الدار
فقير اتجوز فقيرة خلفوا وجع القلب
كبيرهم فلفل وصغيرهم زنجبيل واللي في الكوفلة يقول من العايدين
خاتم بفصو وكل شيء ترصوا
خشوني لاتنسوني ولعوا الشمعة وشوفوني
عمية تحفف مجنونة وتقولها حواجبك سودا ومقرونة
يا داق الموية في المهراس يا مربي وليد الناس
كل عيش البخيل ولا تأكل عيش المنان
أدب ولدك وان زعلت امه
يابخت من بكاني وبكى الناس عليه ولا من ضحكني وضحك الناس عليه.
رضينا بالهم والهم ما رضي بينا
اتملت العدوة وقلت المروه
أكلوا الملوخية وصاروا أفندية
لمن كنا ما كانوا ولمن رقدنا قاموا
قالوا متى طلعت القصر قالوا أمس العصر
العروسه للعريس والجري للمتاعيس
سلامتك والهيل والقرنفل قمامتك
اللي يشيل قربه مخروقه تنقط على راسه
الحجر من الارض والدم من راسك
أخوانك من أمك زي الدهب في كمك و أخوانك من أبوك زي القوم لما ينهبوك
من بيت أصقع لبيت أرقع
مطبق العاده و معصوب كل يوم
في كل محضر بالتوب الاخضر
باب المجلس يقول باب السطوح ... اللي يجي يجي .. واللي يروح يروح
خليها في القلب تجرح و لاتخرج بره ترمح
الحر من غمزة والحمار من رفزه
(يضرب هذا المثل لايضاح الفرق بين النبيه والبليد)
حمار الحكومة حكومة
(يضرب هذا المثل للموظف الصغير المتسلط على الناس)
خطبوها اتعززت تركوها اتندمت
(يضرب لمن يتظاهر بعدم الرغبة حينما يعرض عليه امر ولكنه يندم بعد فوات الاوان)
كل حبه مسوسه لها كيال اعور
أعرج يسحب مكسّح يقول له تعال نتفسح
قلبي على ولدي انفطر وقلب ولدي عليا حجر.
اللي عاجبه عاجبه واللي ما هو عاجبه ينتف حواجبه
ربنا ريَّح العريان من تعب الغسيل
صاجك ما يقلي وكفتيرتك ما تغلي وأنا جيتك من قلة عقلي
فقران باع ولده لطفران اشتراه بالدين
قالوا للقردة اتبرقعي قالت وجهي متعود على الفضايح
لا هو أصيل جد ولا هو أحمر خد
لو عرفوا حلاوة هرجته ما عيروني بعرجته
ما يليق الغنج على الحمير العرج
وقت الكباب صكوا الباب ووقت الملوخية عزموا البشرية
البسّـه من عَجَلتْها جابت بزورتها عُمِي
اللي عنده قرش يبغا يرميه يشتغل في اللي ماله فيه
الطفران يمر من السوق مستعجل >>> اعرف ناس زي كدهـ بس ما رح اقول
كنت بالقديم ماني راضي وجاني الجديد زود أمراضي
اللي يشور عليك بالطلاق ما يواسيك في الفراق
أرسلت حسن يجيب حسين راحوا ولا جوني الاثنين
انتهت الزفة وضرب الدفوف وجات الهبلة تقول تبغا تشوف
و لا تنسوا ...
سكران يضرب في ميت ... لا الأول داري ولا الثاني حاسس بيه
ارضى بقردك لايجيك اللي أقرد منوو
الحب عياقة ...توب بلا ياقة
الالقااااااااااااااب
عندنا في الحجاز وخصوصا مكه في اسماء يعطوها كنيه او لقب على سبيل المثال واحد اسمو
عبد الله
يقولولو أبو عابد ...
وهذي بعضها :
عمر : أبوسراج
حسن : أبو على
حسين : أبو هلال
يوسف : أبو يعقوب
عبدالله : عبادي او ابو عابد
عبدالرحمن : الوجيه
عبد الرحيم : أبو رحمه
فيصل : أبو عبدالله
عبد العزيز : عزيز أو ابوسعود
فاطمة : فتو
مريم : منّة
ابراهيم : أبو خليل
وما رح انسى اكثرها من المعجم ستي ( جدتي ) >>> هع هع هع هع
تحيااااااااااااتي
